Temperatura mbi 40 gradë- Si ta mësoni trupin me vapën ekstreme

Shqipëria do të përjetojë javën e dytë të të nxehtit afrikan që po prek thuajse të gjithë rajonin.

Meteorologët parashikojnë që temperaturat të arrijnë deri në 41 gradë ditën e mërkurë në disa qytete të vendit.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 19°C në 32°C, në zonat e ulëta nga 25°C në 40°C dhe në zonat bregdetare nga 26°C në 41°C.

Një nga këshillat më të shpeshta që mund të hasni në këto raste është të kujdeseni për shëndetin.

I nxehti i tëpërt mund të shkaktojnë një sërë reagimesh negative në organizëm duke nisur që nga djegiet e lëkurës, tek drobitja nga vapa, dehidratim dhe përkeqësim të gjendjes shëndetësore.

Për të mbrojtur veten në temperatura të tilla ekstreme, mundohuni të merrni disa masa paraprake.

Qytetet më të prekura nga kjo valë e të nxehtit do të jenë Tirana, Berati, Gjirokastra, Elbasani, Shkodra, Lezha, Fieri ku termometri do të shënojë mbi 39 gradë.

Cfarë duhet të bëni?

Nëse do të ekspozoheni gjatë ditës në diell për shkak të punës kini parasysh këto këshilla:

1. Si fillim mësojeni trupin tuaj me të nxehtin në mënyrë graduale.
2. Si fillim mësojeni veten me të nxehtin gradualisht.
3. Filloni të qëndroni më shumë në diell 7-14 ditë para valës së të nxehtit.
4. Nëpikur të të nexhtit ekspozohuni në diell vetëm 20% ditën e parë dhe rriteni ekspozimin me jo më shumë se 20% ditët pasuese.
5. Kontrolloni dhe kujdesuni vazhdimisht për kolegët duke u siguruar për gjendjen e tyre shëndetësore.
6. Bëni pushime për të pirë ujë kur puna është intensive (1 gotë çdo 20 minuta)
7. Vishni rroba me ngjyra të çelëta, të lirshme pambuku.
8. Gjatë pikut të nxehtit nëse nuk keni mundësi të qëndroni në një ambient të kondicionuar, lagni me ujë kyçet, qafën dhe pjesën e sipërme të trupit.
9. Mbroni kokën dhe fytyrën me kapele apo krem mbrojtës nga dielli dhe bëni pushime në hije./AgroWeb.org