“Të shkatërrojnë si njeri” I riu rrëfen varësinë nga lojërat e fatit që e ka detyruar dhe të vjedhë

Një rrëfim tronditës u bë sot në programin “Shqipëria live” nga një i ri rreth të tridhjetave.

Ai ka folur për varësinë e tij për skedinat dhe lojërat e fatit.

Duke mos treguar identitetin e tij, ai u shpreh se ka patur raste që ka vjedhur në shtëpi.

Rrëfimi:

Kam nisur që në fëmijëri, në moshën 13-14 vjeçare. Ka qenë një kohë shumë e vështirë. Kam luajtur rreth 12 vjet loto. Tani jam distancuar paksa, pasi është vetëm online. Nuk është si dikur që kishte në çdo bar kafe.

Më përpara luaja çdo ditë. Është një lloj vesi që nuk pyet për asgjë, e shpeshherë kemi dalë nga vetja. Familjarët na jepnin lek me dalë me shokët dhe ne shkonim në loto. I rrenim të shtëpisë për shkollën dhe i linim në loto. Edhe kemi vjedhur në shtëpi, i mashtronim njerëzit.