Të flesh herët apo vonë? Ja cilat janë ndikimet për jetëgjatësinë

Kur vjen puna tek gjumi, përgjithësisht njerëzit janë të ndarë në dy kategori: njerëzit e natës dhe ato të mëngjesit.

Gjumi është mjaft i rëndësishëm për organizmin ndërsa ka lidhje të fortë edhe me jetëgjatësinë.

Në një studim shkencor të kryer mbi jetëgjatësinë dhe gjumin, shpjegohet fakti se njerëzit që flenë vonë janë 10 përqind më shumë të rrezikuar nga vdekja e parakohshme.

Njerëzit që flenë herët janë më të shëndetshëm
Referuar studimit, njerëzit që flejnë herët dhe zgjohen në të gdhirë, janë shumë më të mbrojtur.

Studimi tregon se të fjeturit vonë mund të shkaktojë pasoja shëndetësore në organizëm.

Njerëzit që flenë herët e zgjohen herët, ushqehen herët dhe mbarojnë punë herët, u shprehën shkencëtarët.

Të kundërtën mund të themi për njerëzit që zgjedhin orët e vona për të fjetur e për t’u zgjuar.

Këta të fundit raportohen se kanë më shumë probleme shëndetsore.

Ata janë dyfish më të rrezikuar sa u përket çrregullimeve psikologjike dhe 30 përqind më të rrezikuar nga sëmundje të tilla si diabeti.

Për më tepër, njerëzit të cilët flenë vonë janë 25 përqind më të rrezikuar nga problemet nervore, 23 përqind nga problemet me stomakun si dhe 22 përqind nga sëmundjet e rrugëve të frymëmarrjes.

Njerëzit që rrinë zgjuar natën, sipas studiuesve janë më të prirur ndaj pirjes së duhanit, ushqimeve të shpejta dhe alkoolit.

Referuar të dhënave të Agroëeb.org, studime të mëparshme kanë konfirmuar faktin se njerëzit që punojnë vonë janë më të rrezikuar nga vdekshmëria apo edhe sëmundjet kardiovaskulare.

Shkencëtarët sugjerojnë që njerëzit të përshtaten me stilin e të fjeturit herët.

Ata duhet të ruajnë orare sa më të rregullta të gjumit.