“S’kam koment për Albinin”/ Samiti i Shkupit, Kurti nuk bindet nga Rama: Nuk e ka miratimin tonë

Zyra e qeverisë së Kosovës ka konfirmuar se Kryeministri Albin Kurti nuk do të jetë nesër i pranishëm në Samitin e Shkupit, ku do të takohen liderët e Ballkanit Perëndimor.

Në një përgjigje për Euronews, zyra e kryeministrit tha se qëndrimet e tyre janë të qarta dhe iniciativa e quajtur “Mini-shengen” nuk e ka miratimin e tyre.

“Qëndrimet tona për idenë e Novi Sadit, të ashtuquajtur ‘Minishengen’, tashmë janë të njohura. Kjo iniciativë nuk e ka miratimin tonë”, thuhej në përgjigje.

Ndërkohë më herët kryeministri Rama tha se do të ndryshohet emri i ri i nismës që deri më sot e njohim si minishengeni, por që është kontestuar deri tani nga kryeministri i Kosovës.

Rama i pyetur më herët nëse ndihet i keqardhur nëse Albin Kurti nuk do t’i bashkohet nesër tha: Nuk kam koment për këtë.