“Si do ja bësh me këtë ligjin e ri pa filtra?”/ Ja si përgjigjet Fjoralba Ponari 

Para disa ditësh, Norvegjia vendosi një ligj për publikimin e fotove të modifikuara nëpër rrjete sociale.

Bazuar në këtë ligj, çdo influencer i cili përfiton para nga postimet në rrjete sociale do të detyrohet nga ligji të tregojë se cilat foto janë të modifikuara.

Ndjekësit e moderatores Fjoralba Ponarit në rrjete sociale i kanë drejtuar asaj një pyetje gjatë bisedës virtuale pikërisht për këtë temë.

“Si do ja bësh me këtë ligjin e ri pa filtra?”, i shkroi ndjekësi.

Ndërkohë, moderatorja zgjodhi t’i jepte një përgjigje tipike duke publikuar një foto pa filtra në Instastory, të shkrepur në plazh.

Krahas saj, ajo shkroi: “Siç kam bërë para se të bëhej trend puna e filtrave, për bukuri të Zotit!”.

Ndërkohë në lidhje me jetën private një ndjekëse e pyeti atë: “A je lidhur me një introvert që të dominosh në marrëdhënie me të?”.

Fjoralba shkroi: “Nënshtrimi apo dominanca në marrëdhënie nuk ka të bëjë me të qenit introvert apo ekstrovert. Janë koncepte të ndryshme”.