“Shpërblehet” Jemin Gjana, merr postin e rëndësishëm në Partinë Demokratike

Ish-ministri i Bujqësisë Jemin Gjana ka marrë një post të rëndësishëm në Partinë Demokratike.

Pasi u zgjodh anëtar kryesie, ai do të jetë dhe kryetar i ri i Këshillit Kombëtar.

Kujtojmë që më herët këtë post e ka mbajtur ish-presidenti Bujar Nishani.

Jemin Gjana ka mbajtur postin e kryetarit të Komisionit Zgjedhor në Partinë Demokratike që nga viti 2017, duke drejtuar zgjedhjet pas dy humbjeve të njëpasnjëshme.

“Katapultimi” i tij në Kryesi vjen pas ndryshimeve në statutin e Partisë Demokratike, të propozuara nga kryedemokrati Basha, të cilat u miratuan në Kuvendin Kombëtar.