LIGJET E BIZNESIT
Sekuestrohen rreth 500 mijë euro në pikën kufitare të Muriqanit.
Policia njoftoi se shuma e parave do të futej në vendin tonë në mënyrë të jashtëligjshme.
Në pranga u vu poseduesi i lekëve, 56-vjeçari me iniciale R.R, lindur në Tiranë dhe banues në Ancona-Itali.
NJOFTIMI ZYRTAR I POLICISE
Strukturat hetimore të Drejtorisë Vendore të Policisë Shkodër, në bazë të informacioneve të marra në rrugë operative për një shtetas që posedonte një shumë të madhe parash dhe tentonte për t’i futur në mënyrë të kundërligjshme nëpërmjet Pikës së Kalimit Kufitar Muriqan, kanë organizuar punën dhe në bashkëpunim me Policinë Kufitare të Muriqanit, finalizuan operacionin policor të koduar “Muriqani”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjatë kontrollit të ushtruar në vijën e dytë, në automjetin tip “Benz”, që drejtohej nga shtetasi R.R., 56 vjeç, lindur në Tiranë dhe banues në Ancona-Itali, shërbimet e Policisë gjetën të fshehura në mjet 494.785 euro, të cilat R.R. nuk i kishte deklaruar.
Shuma e parave u sekuestrua në cilësinë e provës materiale.
Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Shkodër u bë arrestimi në flagrancë i R.R. për veprat penale “Mosdeklarimi në kufi i të hollave dhe sendeve me vlerë” dhe “Pastrimi i produkteve të veprës penale ose veprimtarisë kriminale”.
