Rritja e rasteve, ministrja: Nuk do të ketë vaksinim të përgjithshëm me detyrim

Ministrja gjermane e Drejtësisë Christine Lambrecht, në një intervistë për Deutschlandfunk, tha se nuk do të ketë vaksinim të detyrueshëm për të gjithë.

“Unë mendoj se kjo do të jetë e pamundur. Nga njëra anë, kjo ka të bëjë me faktin se kjo vaksinë nuk ka kohë që ka dalë në treg, dhe nga ana tjetër unë nuk mendoj se detyrimi për vaksinim nuk është i nevojshëm”, tha ajo.

Po ashtu, ministrja është kundër vaksinimit të detyrueshëm edhe për punonjësit në sektorin e shëndetësisë ose të sektorëve të tjerë. Ata të cilët po punojnë në spitale ose qendra përkujdesjeje dhe që nuk pranojnë të vaksinohen mund të detyrohen vetëm që të testohen rregullisht, u shpreh Christine Lambrecht.

Deri më tani, në Gjermani janë vaksinuar plotësisht kundër koronavirusit pothuajse  gjysma e banorëve, pra rreth 41.1 milion vetë. 50.6 milion – 60.9 përqind – kanë marrë të paktën një dozë vaksine.