Rritja e numrit të aksidenteve/ Eksperti tregon 5 rrugët më të rrezikshme në Shqipëri

Muajt e fundit në vendin tonë është rritur numri i aksidenteve.

Për fat të keq ka patur shumë viktima, mes  tyre dhe fëmijë.

Sipas ekspertit Fatmir Hasho, 5 janë rrugët më të rrezikshme në vendin tonë, në të cilat ndodhin edhe aksidentet më fatale. Tre segmente janë në veri të vendit, kryesisht në aksin Shkodër-Lezhë, ndërsa dy të tjera janë në jug, Lushnje-Berat dhe Pogradec-Korçë.

“Në atë qarkullojnë shumë përdorues rruge, mjetë, biçikleta dhe njerëz që kalojnë nga njeri krah në tjetrin. Që nga Shkodra deri në Koplik apo edhe Han i Hotit, shkelja me e madhe është parakalimi i gabuar ku nuk lejohet. Qe nga Shkodra deri në Lezhë, po ashtu nga Miloti deri në Lezhë. Në jug kemi rrugën nga Lushnja deri në Berat, nga Pogradeci në Korçë”, tha Hasho.

Sipas tij, tejkalimi i shpejtësisë dhe mosrespektimi i korsisë së lëvizjes së mjeteve janë shkaqet kryesore të aksidenteve, ndërkohë që problem është edhe mungesa e sinjalistikës rrugore në disa akse.