Rrëzohet avioni me ushtarë në bord, dhjetra të vdekur 

Një avion ushtarak është rrëzuar në Filipinet Jugore. Avioni kishte në bord rreth 90 ushtarë, përfshirë tre pilotë dhe pesë anëtarë të tjerë të ekuipazhit.

Të paktën 40 njerëz janë shpëtuar nga rrëzimi dhe po marrin ndihmën e parë, ndërsa për pjesën tjetër është duke u punuar që të shpëtohen. Të paktën 17 njerëz janë gjetur të pajetë deri në këto momente, ndërkohë që numri i tyre mund të rritet.

“Ekipet e shpëtimit janë në vend, ne lutemi që të mund të shpëtojmë më shumë jetë”, tha gjenerali Sobetzana.

Shumë pasagjerë kishin marrë së fundmi trajnimin bazë ushtarak dhe u dërguan në ishull si pjesë e një operacioni të përbashkët kundër terrorizmit të udhëhequr nga myslimanët në këtë zonë kryesisht myslimane.

Ushtria ka një prani të fortë në Filipinet e jugut për shkak të aktiviteteve të organizatës islamike Abu Sayyaf, e cila konsiderohet nga Uashingtoni si një organizatë terroriste.