“Reshjet dhe stuhitë ekstreme do na godasin më shpesh” Del studimi i frikshëm, ekspertët zbulojnë arsyen

Sipas një studimi të fundit, përmbytjet katastrofike që goditën Europën këto ditë, mund të bëhen shumë më të shpeshta.

Kjo do të ndodhë për shkak të ngrohjes globale.

Studimin e ka nxjerrë “The Guardian” ku thuhet se stuhitë mund të bëhen 14 herë më të zakonshme deri në fund të këtij shekulli.

Sa më ngadalë të lëvizë një stuhi, aq më shumë shi hedh në një zonë të vogël dhe aq më i madh është rreziku i përmbytjeve serioze.

Temperaturat e larta të ajrit të shkaktuara nga kriza e klimës nënkuptojnë që atmosfera mund të mbajë më shumë lagështi, e cila nga ana tjetër ka çuar në reshje më ekstreme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Stuhitë e parashikuara në studimin e ri lëvizin edhe më ngadalë se ato që zhytën Gjermaninë, Hollandën dhe vendet e tjera gjatë javës së kaluar dhe kështu do të çonin në reshje dhe përmbytje akoma më ekstreme.