LIGJET E BIZNESIT
Kryeministi Edi Rama, feston ditën e sotme ditën e tij të lindjes, përkatësisht 56-vjetorin.
Rama u lind në datën 4 korrik në Tiranë. Para zgjedhjes së tij si kryeministër, Rama ka mbajtur disa pozicione të tjera.
Karriera e tij politike, filloi në vitin 1998, kohë në të cilën u emërua si Ministër i Kulturës, Rinisë dhe Sportit, post të cilin e mbajti për 2 vite. Ishte viti 2000 kur ai u zgjodh për herë të parë kryetar i Bashkisë së Tiranës, ndërsa u rizgjodh sërish në vitin 2003 dhe 2007.
Ndërkohë, në vitin 2013 Rama u zgjodh kryeministër i Shqipërisë, teksa në vitin 2017 u rizgjodh në krye të qeverisë. Në këtë vit, në zgjedhjet e 25 prillit ai mori edhe mandatin e tretë.
Ditëlindja e Ramës përkon po ashtu edhe me Ditën e Pavarësisë së SHBA-ve, që festojnë 245-vjetorin e nënshkrimit të Deklaratës së Pavarësisë.
Në lidhje me këtë ngjarje, Rama ka bërë një postim, ku ka publikuar flamurin e Amerikës dhe shruan “Gëzuar 4 korrikun Amerikë”. Të shumtë kanë qenë edhe komentuesit të cilët nën postimin e kryeministrit, e kanë uruar atë për ditën e lindjes.
