LIGJET E BIZNESIT
Mesa duket, ka shumë arsye pse ju përfshiheni në biseda me partnerin tuaj duke folur si beb ose pse, në një formë, përkëdheleni duke folur në këtë mënyrë.
Bisedat me zë bebi, nuk janë vetëm një mënyrë për të krijuar intimitet në lidhje, por edhe një tregues i një marrëdhënieje të shëndetshme. Thënë kjo, nuk do të thotë se marrëdhënia nuk është e shëndetshme nëse s’flisni si beba. Sidoqoftë, Clarissa Silva, shkencëtare e sjelljes thotë se “e gjitha është një zgjatje e dashurisë së pakushtëzuar që kemi provuar si foshnje për të na ofruar siguri dhe për të siguruar rezultate të shëndetshme të zhvillimit të lidhjes”.
“Do të thotë se ti nuk ke pse të ‘mbrohesh’ nga partneri dhe mund të sillesh me të, si të ishe një foshnjë”, vazhdon ajo.
Të folurit si bebe duket se pasqyron edhe mënyrën se si ju flisnin prindërit. Kjo është edhe arsyeja pse krijon ndjesinë e intimitetit, familjaritetit. Njerëzit e parë me të cilët jeni lidhur në këtë planet mund të kenë qenë prindërit tuaj ose një i rritur tjetër, si një gjysh apo një kujdestar. Ata ndoshta ju kanë folur në mënyrën karakteristike sesi flasin foshnjat, për t’ju përkëdhelur.
Sigurisht, dashuria me partnerin është një tjetër lloj përjetimi por në tërësi kemi të bëjmë me dhënie dhe marrje dashurie.
Ndërsa disa mund ta konsiderojnë si papjekuri, “baby talk” është një shenjë e partneriteti të fortë dhe tregon maturim dhe evolim të marrëdhënies. Kjo nuk ju bën më pak të rritur dhe nëse ju bën, mbetet gjithnjë në kuptimin e mirë të fjalës.
Të folurit si bebe ose një “gjuhë sekrete” mund të shërbejë dhe si një arratisje e shkurtër
E keni parasysh kur zgjoheni në fundjavë dhe gjithçka që doni të bëni është të shihni Tom & Jerry? Kjo s’do të thotë se ju tani po bëni hapa pas, thjesht ju duhet një pushim nga të qenit “i rritur”. E njëjta gjë vlen edhe për rastet kur flisni si bebe.
Me pak fjalë, nëse kjo është gjuha juaj e përkëdheljes apo arratisja nga të qenit i rritur për pak, nuk ka asnjë problem.
