“PS nuk është zyrë avokatie” Pasi e shkarkoi nga posti i kryebashkiakut, Rama merr vendimin për Fatos Tushen

Pasi e shkarkoi nga posti si kryebashkiak i Lushnjes, kryeministri Edi Rama ka vendosur të largojë Fatos Tushen dhe nga Partia Socialiste.

Këtë e ka konfirmuar në mbledhjen e sotme në Kryeministri teksa ishin të pranishëm krerët e të gjithë bashkive të vendit.

“Shkaku që është përshpejtuar takimi, është ai i arrestimit i kryebashkiakut të Lushnjes. Nuk është detyra ime dhe as e PS-së që të kërkojmë pafajësinë e tyre, ky është rasti për tiu përsëritur juve dhe gjithë të tjerëve që kanë marrë apo marrin besimin e shumicës sonë, se PS nuk është zyrë avokatie e të pandehurve dhe të akuzuarve nga drejtësia, por është fuqia e votuar nga shqiptarët për ti shërbyer qytetarëve të saj.

Korrupsioni, rryshfeti, bakshishi, mnuk kanë ngjyrë politike, dhe janë e zeza me të cilën ne do të përballemi në rrugën për të ndërtuar drejtëinë, duke refuzuar çdolloj mbrojtje për secilin prej nesh që mund të jemi pjesë e tyre.

Kryetari i Bashkisë së Lushnjes do të shkarkohet nga detyra dhe do të largohet nga PS, masa që do të shihen vetëm në rast se ai do të shpallet i pafajshëm. Ne u marrim këto masa për të dhënë një mesazh të qartë për ata që janë përgjegjës për taksat e qytetarëve”, u shpreh Rama.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern