LIGJET E BIZNESIT
Ashtu siç e paralajmëruan më parë, Komiteti Teknik i Ekspertëve ka dalë sot në një konferencë për shtyp, ku ka konfirmuar faktin se varianti Delta po qarkullon gjerësisht në Shqipëri.
Lajmin e ka bërë të ditur zv.ministrja e Shëndetësisë Mira Rakacolli.
Gjatë fjalës së saj ajo tha se ka një rritje të lehtë të numrave të rasteve të reja ditore dhe incidentës javore, por pavarësisht kësaj vendi ynë vazhdon të mbetet në një situatë të qendrueshme epidemiologjike.
“Në vend ka një rritje të lehë të numrave të rasteve të reja ditore dhe incidencës një javore. Por pavarësisht kësaj, vendi vazhdon të mbetet në një situatë të qëndrueshme epidemiologjike. Në Rajon, Europë dhe botë vihet re një rritje e konsiderueshme e rasteve të reja. Siç është bërë me dije, në Shqipëri është vërtetuar zyrtarisht dyshimi për praninë e variantit Delta të virusit në Shqipëri”, tha Rakacolli.
Prania e variantit Delta në vendin tonë u konfirmua një ditë më parë nga Ministria e Shëndetësisë, pas përgjigjes që erdhi nga kampionet e dërguara në Institutin e Virologjisë – Charite në Berlin të Gjermanisë, ku u krye analiza e thellë gjenetike e sekuencimit të gjenomës së virusit në këto kampione, rezultoi varianti Delta B.1.617.2.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Konfirmimi i qarkullimit të variantit Delta në Shqipëri, përkon dhe me rritjen e infektimeve në 2 javët e fundit në vendin tonë.
