Plas keq sherri/ Babë e bir përplasen dhunshëm me policinë në Mallakastër 

Një sherr midis dy personave (babë e bir) si dhe punonjësve të policisë është regjistruar në Mallakastër.

Bëhet me dije se specialistët për Hetimin e Krimeve në Komisariatin e Policisë Mallakastër arrestuan në flagrancë shtetasin me iniciale B. M., 56 vjeç, banues në Mallakastër, si edhe shpallën në kërkim shtetasin me iniciale F. M., 27 vjeç, pasi në afërsi të banesës së tyre kanë kundërshtuar me dhunë dhe kanë goditur me grushte punonjësit e Policisë, të cilët kishin shkuar në ndihmë të punonjësve të AKU-së.