Përmbytjet në Belgjikë dhe Gjermani, shkon në 91 numri i viktimave, qindra të zhdukur

Ka shkuar në 91 numri i viktimave të shkaktuara si pasojë e përmbytjeve më të rënda të dekadës në Europën Perëndimore. Mediat  huaja shkruajnë se bëhet fjalë për 80 viktima në Gjermani dhe 11 viktima në Belgjikë.

Raportohet po ashtu për qindra persona të zhdukur. Shirat që prekën Europën Perëndimore ishin në sasi rekord duke bërë kështu që lumenjtë të dilnin nga shtrati dhe të shkatërronin gjithçka që u dilte para.

Kancelarja Angela Merkel që ndodhet në një vizitë zyrtare në SHBA u zotua për ndihmë ndaj familjarëve të viktimave.

Duke folur nga Shtëpia e Bardhë në ëashington DC, Merkel shprehu ngushëllimet më të thella familjarëve të viktimave.

Ekspertët shprehen se ndryshimet klimatike po ndikojnë në rritjen e fenomeneve të motit, por lidhja e një fenomeni të vetëm me ngrohjen globale është e komplikuar.