Përleshje dhe në Lojërat Olimpike, kundërshtari nxehet dhe godet me shkop sportistin (VIDEO)

Një moment jo shumë i këndshëm ndodhi sot gjatë Lojërave Olimpike në Tokio.

Gjatë ndeshjes së zhvilluar Argjentinë- Spanjë në disiplinën e hokejit, ka patur një sherr mes lojtarëve.

Protagonistë ishin sportistët David Alegre dhe Lukas Rosi.

Ky i fundit ka bërë një gjest të papranueshëm duke goditur në kokë kundërshtarin me shkopin e hokejit.

Situata u rëndua shumë ku fill pas veprimit të sportistit argjentinas ndërhyn pjesëtarë të dyja kombëtareve duke ndezur dhe më shumë konfliktin.

Por, me ndërhyrjen e gjyqtarit çdo gjë u qetësua dhe Rosi u nxor nga loja, teksa momenti aspak i hijshëm është bërë viral.