Parashikimi i motit për ditën e sotme, e hënë 5 korrik 2021

Sipas MeteoAlb, territori shqiptar gjatë orëve të para të ditës në pjesën më të madhe do të jetë në dominimin e motit të kthjellët. Mesdita dhe pasditja sjellin kalime vranësirash në vendin tonë, ku në zonat Veriore dhe Verilindore do të krijohen mundësi për rebeshe afatshkurtra shiu.

Temperaturat e ajrit do të rriten ndieshëm në mëngjes por mbeten të pandryshuara në mesditë duke luhatur vlerat ditore nga 14°C deri në 35°C.

Era do të fryjë mesatare dhe e fortë me shpejtësi 45 km/h nga drejtimi Jugperëndimor duke krijuar në det dallgëzim 4 ballë.