Parashikimi i motit për ditën e sotme, e diel 11 korrik 2021

Sipas MeteoAlb, vendi ynë në pjesën më të madhe do të jetë në dominimin e kthjellimeve dhe vranësirave të pakta gjatë paradites. Mesdita dhe pasditja do të shtojnë vranësirat, ku pjesërisht në zonën e ulët dhe malore do të krijohen mundësi për reshje të izoluara. Mbrëmja rikthen motin e qëndrueshëm.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 14°C deri në 35°C.

Era do të fryjë e lehtë dhe mesatare me shpejtësi 40 km/h nga drejtimi Veriperëndimor duke krijuar në det dallgëzim deri në 3 ballë.