Papa Francesku u detyrua t’i nënshtrohet një operacioni, si qëndron e vërteta me shëndetin e tij

Kreu 84-vjeçar i Kishës Katolike iu nënshtrua një ndërhyrjeje mjekësore në Romë. Bëhet fjalë për një operacion në zorrën e trashë.

Të hënën erdhi shpjegimi zyrtar: “Ati i Shenjtë e ka përballuar mirë ndërhyrjen e bërë nën anestezi të plotë”.

Nuk dihet ende sa kohë do të qëndrojë Papa në klinikë nuk dihet.  Vatikani thotë se Françesku ka një sëmundje që shkakton probleme në murin e zorrëve. Në këtë rast, mjekët flasin për divertikulitus.

Shqetësimet për shkak të pandemisë
Disa vëzhgues mendojnë se Papa është në rrezik si pasojw e Covid-19 për shkak të moshës dhe mushkërive të dëmtuara. Muajt e fundit është spekuluar shpesh për gjendjen e shëndetit të Papës. Në fund të vitit të kaluar ai nuk ishte i pranishwm  në festimet e fundivitit dhe manifestime të tjera, që zakonisht janë të obligueshme për Papën. Kjo ishte hera e parë që Papa nuk mori pjesë në këto manifestime të rëndësishme të kishës.

Problemet me kurrizin

Asokohe ai kishte dhimbje si pasojë e  bllokimit të një nervi në kurriz. Së fundmi,  është vërejtur se Papa ka vështirësi në lëvizjen e këmbëve. Ai ende nuk ka nevojë për shkop apo ndonjë ndihmë tjetër. Por ka pasur probleme me ngjitjen në shkallë.