“Panariti harxhoi 6.3 mln euro për kanalin e Tërbufit”/ Murrizi paralajmëron: Do bëj kallëzime të tjera

Kreu i grupit parlamentar demokrat Myslim Murrizi i cili kallëzoi në SPAK tenderin për uniformat e Policisë së Shtetit, thotë se nuk ka mbaruar me kaq.

Ai tha se do të kallzojë në SPAK edhe zyrtarë që kanë dhënë tendera në mënyrë të paligjshme duke përmendur një tender të ish-ministrit Edmond Panariti.

“Tenderat lënë gjurmë dhe këta nuk shpëtojnë dot.Edmond Panariti ka bërë një tender 6.3 milionë euro për sistemin e vaditjes në kanalin e Tërbufit por nuk është vënë asnjëherë në punë pasi nuk ka ujë. Kjo qeveria e Ramës i ka dhënë një tender mbi 1 milionë euro kandidatit të Bashës. Janë bashkë. Çfarë është kjo dashuri e madhe. Kur është PD në pushtet marrin tendera këta të PS. Kur janë në pushtet këta të PS marrin tendera këta të PD-së,”-tha ai në “Frontline”.