“Nuk janë viktima të komunizmit”/ Margariti për varret masive në Përmet: I përkasin mesjetës

Ministrja e Kulturës, Elva Margariti, thotë se varret masive që u zbuluan në Përmet nuk i përkasin viktimave të diktaturës komuniste, por mesjetës.

Sipas ministres Margariti, specialistët realizuan inspektimin dhe vlerësimin e gjetjeve arkeologjike në terren, ku nga rezultatet paraprake mendohet se kemi të bëjmë me një varrezë të periudhës mesjetare.

Reagimi i Margaritit:

Një varrezë mesjetare zbulohet në Përmet!
Gjatë monitorimit të punimeve për zbatimin e projektit Task 5, “Për zhvillimin e integruar urban dhe turistik Berat- Përmet”, dolën në dritë disa varre.
Drejtoria Rajonale e Trashëgimisë Kulturore, Gjirokastër ndërmori menjëherë pezullimin e punimeve, dhe në datën 07.07.2021 specialistët tanë realizuan inspektimin dhe vlerësimin e gjetjeve arkeologjike në terren.
Nga rezultatet paraprake mendohet se kemi të bëjmë me një varrezë të periudhës mesjetare.
Në mbledhjen e djeshme të Këshilit Kombëtar të Trashëgimisë Kulturore Materiale u diskutua dhe u përcaktua kryerja e gërmimit arkeologjik të shpëtimit nga ana e Institutit Kombëtar të Trashëgimisë, për varrezën e identifikuar.
Rezultatet e gërmimit arkeologjik të shpëtimit, do të paraqiten për shqyrtim në mbledhjen e ardhshme të Këshillit Kombëtar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern