LIGJET E BIZNESIT
Një histori e pazakontë vjen së fundmi nga Gjermania.
Bëhet fjalë për një 28-vjeçare të quajtur Jasmin Gundogan, nga Bremeni, e cila është shpallur në kërkim pasi është zhdukur me 8 milionë euro të vjedhura nga një kompani për sigurinë e transportit ku ajo punonte.
Policia gjermane ka publikuar një foto të së resë dhe mediat vendase po hulumtojnë me imtësi mbi jetën e hajdutes misterioze.
Një prej shokëve të vet të klasës tha për Bild, se që kur ishte fëmijë, Jasmine donte të ishte e pasur dhe e bukur: “Ne të gjithë mendonim se ajo nuk ishte dhe aq e zgjuar”, u shpreh ai.
Por duket se Jasmina qe mjaftueshëm e tillë, aq sa për të kryer njërën prej grabitjeve më spektakolare në Gjermani. Jasmin kishte gjetur punë në kompaninë e sigurimit për transportimin e parave, falë ndihmës së babait. Në këtë firmë, 28-vjeçarja ishte përgjegjëse për paketimin dhe transportimin e parave, por në 21 maj ajo vodhi një kontejner me disa thasë të mbushura me para dhe më pas mori pushim për arsye mjekësore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Zhdukja e parave u zbulua vetëm katër ditë më vonë. Hetimet e deritanishme tregojnë se vajza e kishte future kontejneri me numër 06414 në një makinë tip “Mercedes” të zi me targa të vjedhura. Dyshohet se vajza me origjinë turke, mund të jetë larguar pikërisht drejt Turqisë.
