Ngjarje e rëndë/ Do kthehej në Shqipëri për pushime, emigranti gjen vdekjen në mënyrë misterioze

Një ngjarje e rëndë ka ndodhur së fundmi në Itali.

Bëhet fjalë për një emigrant shqiptar me iniciale M.K, baba i dy fëmijëve, i cili është gjetur i pajetë në rrethana misterioze poshtë shtëpisë së tij.

38-vjeçari punonte si murator dhe jetonte prej vitesh në shtetin fqinj.

Sipas mediave lokale shqiptari u gjet pa shenja jete, i shtrirë në rrugë pak para shtëpisë së tij. Ai u gjet nga kalimtarët të cilët lajmëruan menjëherë ambulancën dhe policinë, ku kjo e fundit nisi hetimet për të zbardhur ngjarjen e rëndë.

Fillimisht u raportua se viktima mund të kishte rënë aksidentalisht nga ballkoni i shtëpisë së tij, ose nga përplasja e ndonjë makine, por pritet ekspertiza mjeko-ligjore për të përcaktuar shkakun e vërtetë të vdekjes së tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në vendin e ngjarjes mbërriti motra dhe kushëriri me të cilin punonte, të cilët thanë se ai po shkonte në shtëpi për të bërë gati valixhet, pasi do të vinte në Shqipëri për të kaluar pushimet me familjen.