Nga muzika në politikë/ Albin Kurti uron kryetarin e ri të PDK, ja oferta publike që i bën

Kryeministri i Kosovës Albin Kurti ka uruar kryetarin e ri të PDK Memli Krasniqi, këngëtarin e dikurshëm të grupit “Ritmi i Rrugës”, i cili u zgjodh nga delegatët e partisë së themeluar nga Hashim Thaçi.

Numri një i qeverisë shprehet besimplotë se kjo zgjedhje do të ofrojë një udhëheqje të qendrueshme për vazhdimësinë e reformave.

I garanton se si kryeministër i Kosovës i ofron bashkëpunim për temat që përbëjnë interes kombëtar.

URIMI I ALBIN KURTIT:

I uroj punë të mbarë kryetarit të ri të PDK-së, z. Memli Krasniqi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mbështetjen që e mori sot nga strukturat e subjektit të tij i garantojnë një udhëheqje stabile për t’i zhvilluar reformat që mendon se janë të nevojshme për PDK-në.

Si kryeministër i Kosovës dhe kryetar i Lëvizjes i ofroj bashkëpunim në temat me interes nacional dhe ballafaqim të ideve e qëndrimeve për të mirën e përbashkët të shtetit dhe qytetarëve.

Të punosh për Kosovën e kombin tonë nuk është kurrë mjaftueshëm dhe e kemi obligim secili.