Ndodh prej shekujsh/ Pse njerëzit trokasin gotat? Askush nuk e dinte, kjo është historia që fshihet pas

Festat apo gëzimet gjithmonë shoqërohen me brohoritjet e famshme apo cakërrimet e gotave.

Por ky veprim i përhershëm ka një histori interesante e cila shkon shumë mbrapa në kohë.

Një prej legjendave thotë se në mesjetë, njerëzit cakërronin gotat për të dëbuar demonët.

Historia lidhet me kambanat e kishës, tingulli i të cilave besohej se largonte të gjitha forcat e errëta.

Në pallatet mbretërore mesjetare në Evropë, armiqtë “eliminoheshin ” duke u hedhur helm në verë.

Pasi u bë i njohur ky “sekret”, për të fituar besimin e të ftuarve, nikoqiri në festa të mëdha përplaste fort gotat me gotat e mysafirëve në mënyrë që pijet e tyre të përziheshin, dhe të ftuarit të ishin të sigurt se helmi nuk fshihej në verërat e tyre.

Prandaj është zakoni që nikoqiri gjithmonë e provon verën së pari para se t’ia ofrojë atë mysafirit.

Në Greqinë e lashtë, tingulli luante gjithashtu një rol të rëndësishëm në pirjen e verës.

Grekët besonin se vera sillte bukuri në të gjitha shqisat, kështu që, përveç shijes, ngjyrës dhe erës, cakërrimi i gotave krijonte një atmosferë të këndshme për veshët.