“Ndihesha isha i frikësuar, ishim në gjak” Dënohen dy shqiptarët që punonin në ‘shtëpi bari’ në Angli

Arrestohen dy shqiptarë në Angli, të cilët akuzohen për kultivim kanabisi.

Bëhet fjalë për Ervis Trunin, 20 vjeç dhe Migen Dragjoshin, 31 vjeç.

Ata ranë në pranga pasi oficerët e policisë kontrolluan shtëpinë e tyre në Dock Vieë Road më 27 maj, në Barry dhe gjetën 200 bimë kanabisi.

20-vjeçari Truni tha para gjykatës së kishte ardhur në mënyrë të paligjshme në Angli, pasi në Shqipëri familja e tij ishte në gjak me një tjetër familje në fshat dhe ndihej i frikësuar për jetën.

Ndërsa, 31-vjeçari Dragjoshi u kishte thënë policisë pas arrestimit të tij se: Unë erdha në Mbretërinë e Bashkuar pasi takova një grup në Francë. Ata thanë se do të më jepnin punë në Britani dhe jeta ime do të përmirësohej. Kam arritur në një kamion me koston e 15,000 paundësh.

Në fillim, unë punoja në një lavazh makinash dhe në një vend ndërtimi përpara se të detyrohesha të vija në Barry. Ata thanë se do të më vrisnin mua dhe familjen time në Shqipëri nëse nuk do të bëja atë që thanë. Unë u rraha kur u thashë se nuk mund ta bëja atë punë.

Gjykatësi vendosi për secilin 24 javë burg dhe një gjobë prej 128 £ pas lirimit nga burgu.