Mirditë/ Po shtrinte kabllorin, humb jetën punonjësi. Shoqërohet administratori i kompanisë

Një ngjarje e rëndë ka ndodhur në fshatin Sheshaj,Mirditë ku dyshohet se duke punuar për shtrimin e kabllorit, për llogari të një kompanie ,ka rënë në kontakt me rrymen elektrike shtetasi Aurel Dedaj,34 vjeç, banues në Prosek,Mirditë, i cili për pasojë ka ndërruar jetë.

Nga shërbimet e Policisë është shoqëruar në Komisariatin e Policisë Mirditë administratori i kompanisë shtetasi F.R.,34 vjeç, banues në Rreshen, për veprime të mëtejshme.

Grupi hetimor ndodhet në vendngjarje dhe vijon puna për sqarimin e rrethanave të ngjarjes.