“Më jep 500 euro se të thera me thi kë”/ Pranga të riut shqiptar në Itali, kërcënonte vazhdimisht italianin

Policia italiane ka arrestuar një shqiptar në Varese, së bashku me një tjetër të ri të Tunizia, pasi akuzohen për zhvatje.

Shqiptari, prej kohësh kontaktonte në celular të riun italian dhe i kërkonte para, ose në të  kundërt e kërcënonte se do ta vriste.

Preteksti për këtë kërkesë ishte fundi i marrëdhënies së shqiptarit me një vajzë, e cila atëherë ishte e lidhur me viktimën e kërcënimeve.

Shqiptari dhe shoku i tij kishin mënjanuar në një cep italianin dhe i kërkonin 500 euro, ndryshe do ta thernin me thikë. Por fatmirësisht ngjarja u pikas nga një patrullë policie, e cila ndërhyri dhe prangosi dy të rinjtë, të dy me precedentë të mëparshëm. Gjatë kontrolleve të policisë, shqiptarit iu gjet një thikë kuzhine, e cila u sekuestrua në cilësinë e provës material, shkruajnë mediat italiane.