Lihet e lirë sanitarja Tire Alldervishi, i mori ryshfet vajzës së pacientes me virus 

Lirohet nga burgu  ish-sanitarja e spitalit ‘Shefqet Ndroqi’ Tire Alldervishi e cila u arrestua për korrupsion. Gjykata e Tiranës ka caktuar masën e sigurisë ‘arrest shtëpie’, pasi më herët ishte kërkuar zëvendësim i kësaj mase.

Alldervishi, e cila punonte sanitare në spitalin COVID 2, u arrestua pas denoncimit nga vajza e një pacienteje të shtruar me koronavirus. Alldërvishi i kishte marrë një shumë prej 8 milionë lekësh duke u hequr si infermiere në këmbim të shërbimit ndaj nënës së vajzës. Fatkeqësisht, pacientja ndërroi jetë nga virusi i rrezikshëm. Trajtimi çnjerëzor  është zbuluar nga bisedat me të bijën.

Në datën 11 mars, Gjykata e Apelit ka liruar dy infermieret e spitalit Shefqet Ndroqi. Bëhet fjalë për Sheqerije Koçi dhe Mira Bushi të akuzuara si bashkëpunëtore të Tire Alldervishit.

Nga masa arrest me burg, dy infermieret u liruan nën masën e detyrimit për paraqitje.   Apeli, po ashtu liroi më herët dhe një sanitare dhe infermiere, të spitalit “Shefqet Ndroqi”, më konkretisht bëhet fjalë për infermieren Sidorela Kola dhe sanitaren Rukie Hoxha.