Lajme të mira/ Nga e mërkura do të zgjatet orari, dasmat deri në orën 01:00

Oda e Hotelierisë në Kosovë ka njoftuar se nga Ministria e Shëndetësisë i kanë bërë me dije për zgjatjen e orarit të punës në gastronomi deri në orën 01:00 pas mesnate.

Po ashtu, deri në këtë orar do të lejohet edhe mbajtja e dasmave. Nga kjo Odë, në një postim në rrjete sociale, kanë thënë se vendimi pritet të hyjë në fuqi nga dita e mërkurë.

Gjithashtu, thuhet se numri i të ftuarve në hapësira të mbyllura do të jetë deri në 300 persona.

Njoftimi i plotë:

ODA E HOTELIERISË DHE TURIZMIT TË KOSOVËS i njofton të gjithë gastronomët, hotelierët, pronarët e sallave të dasmave, pronarë të pishinave, clubeve të natës, dhe çdo sektor tjetër që pas shumë konsultimeve dhe takimeve me përfaqësues të Ministrisë së Shëndetësisë, sot Kryetari i Odës së Hotelierisë dhe Turizmit të Kosovës prof. dr. Hysen Sogojeva dhe drejtori i departamentit të estradës z. Afrim Muqiqi bashkë me të gjitha departamentet e tjera të OHT-së, na njoftuan se në bashkëpunim me ministrin e Shëndetësisë z. Arben Vitia kanë ardhë në përfundim të një vendimi të ri.

ZGJATJA E ORARIT do të bëhet deri në ora 01:00 pas mesnate, si dhe numri i të ftuarve në hapësirat e mbyllura të jetë deri në 300 PERSONA.

Oda e Hotelierisë dhe Turizmit të Kosovës me të gjitha strukturat e saj e mirëpret dhe e përshëndet këtë vendim dhe është falenderuese nga të gjitha Institucionet përkatëse për besimin e dhënë për bashkëpunim në të mirën e shëndetit publik si dhe Bizneseve