Lajm i keq për shqiptarët të cilët kalojnë me anije nga Franca në Angli

Franca dhe Mbretëria e Bashkuar kanë arritur në një marrëveshje për të vendosur më shumë forca policore dhe të investojnë në teknologjinë e zbulimit në bregdetin francez. Synimi është ndalimi i anijeve që mbartin migrantë të paligjshëm të arrijnë në brigjet britanike.

Britania e Madhe do të duhet t’i paguajë Francës 67.2 milionë euro mes viteve 2021-2022 si ndihmë për të bërë të mundur parandalimin e emigrantëve të paligjshëm që shfrytëzojnë brigjet franceze për t’u hedhur në Angli.

Drejtuesit e pushtetit lokal në Calais të Francës shprehen se këto para nuk do të kenë asnjë ndikim, pasi vija bregdetare franceze është tejet e gjatë dhe e pamundur që të patrullohet e gjitha.

Dicka e tillë prek edhe emigrantët shqiptarë që tentojnë të kalojnë nga Franca drejt Anglisë. Numri i emigrantëve të paligjshëm të cilët kanë hyrë në Angli nëpërmjet Kanalit të Le Manshit në gjashtë muajt e parë të këtij viti ka tejkaluar numrin total të tyre për vitin 2020.

Ditën e hënë, të paktën 430 migrantë kaluan Kanalin për në Mbretërinë e Bashkuar,  përfshirë këtu gra dhe fëmijë të vegjël, një rekord për një ditë të vetme, u shpreh Ministria e Brendshme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern