Kryeministri Edi Rama publikon fotot më pikante të javës

Kryeministri Edi Rama ka vendosur që të publikojë albumin e javës me fotot më pikante gjatë takimeve që ka zhvilluar.

Kreu i Qeverisë ishte në Ohër në Samitin e Prespës, nga ku u takua me Ali Ahmetin, Zoran Zaev, Albin Kurtin dhe Brnabiç e Serbisë.

Gjatë javës që lamë pas u organizua dhe një takim në Universitetin Bujqësor të Kamzës, ku i pranishëm ishte kryeministri, kreu i Kadastrës Artan Lame si dhe ministrja e Bujqësisë, Milva Ekonomi. Në takim u fol për strategjitë e reja dhe hapat që do të ndërmerren për sektorin e bujqësinë dhe kryesisht universitetin, teksa u njoftua po ashtu se shumë fermerë kishin përfituar naftën pa akcizë.

Vizita e Ndihmës Sekretarit të Shtetit amerikan, Philip Reeker ishte tepër e rëndëishme, ku e pranishme ishte po ashtu edhe ambasadorja e SHBA-ve, Yuri Kim.

Kryeministri Edi Rama mbajti edhe një konferencë për mediat, ku kryesisht u diskutua për ngjarjet më të fundit në vend, me në fokus padyshim ristrukturimin e Policisë së Shtetit dhe nxjerrjen e përgjegjësve.

Sigurisht që nuk munguan dhe vizitat në zonat e prekura nga tërmeti dhe që së fundmi kanë marrë formë nga ndërtimet e reja. Shumë pallate, shkolla, kopshte si dhe qendra shëndetësore.