LIGJET E BIZNESIT
Gjykata Administrative ka rrëzuar vendimin e Komisionit të Ankesave dhe Sanksionave, i cili i hoqi gjobën prej 750 mijë lekë (të vjetra) kryetarit të Bashkisë së Tiranës Erion Veliaj, e vendosur nga Komisioni Qëndror i Zgjedhjeve për promovimin e aktiviteteve të ndaluara 4 muaj para zgjedhjeve.
Ishin përfaqësuesit e opozitës të cilët bënë ankesën në KQZ dy muaj para zgjedhjeve, për dhurimin e disa çelësave të shtëpive të reja për të pastrehët e tërmetit. Organi përgjegjës për zgjedhjet në vendin tonë e gjeti të bazuar këtë kërkesë dhe gjobiti Veliajn.
Kryebashkiaku ankimoi vendimin në Komisionin e Ankesave dhe Sanksioneve, që rrëzoi gjobën e vendosur nga KQZ. Çështja u dërgua në Gjykatën Administrative. Ditën e sotme u vendos që gjoba në vlerën e 75 mijë lekëve (të reja ose 750 mijë lekë të vjetra) do të qëndrojë në fuqi.
“Shton 5 vila në pandemi, kandidon për kryeministër. Shet nga 3 herë apartamentet me mashtrim, kandidon për deputete opozite, por kur bën detyrën tënde sipas ligjit duke strehuar 17 familje që flinin në çadra, të gjobisin. Gjoba do apelohet, por puna në Tirane nuk ndalet nga gjumi!”, shkroi Veliaj në rrjetet sociale.
Kjo është akuza ndaj kryedemokratit Lulzim Bashës, e cila bëri që Veliaj të dërgohej në KQZ nga përfaqësuesit e opozitës dhe rrjedhimisht të gjobitet.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
