“Këto janë dy gabimet e mëdha” Ylli Manjani reagon për vendimin e Gjykatës Kushtetuese

Pas vendimit të Gjykatës Kushtetuese për të shfuqizuar pikën 3 të nenit 162 të Kodit Zgjedhor, ka reaguar dhe ish-minsitri i Drejtësisë Ylli Manjani.

Ky i fundit thekson se nuk është profesionalisht korrekte që të komentohet një vendim ende i paarsyetuar.

Përndryshe, në rast se do të ndodhë kjo, gabimet janë të pashmangshme.

Sipas tij, mund  të keqorientohet opinion publik.

REAGIMI I PLOTE:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në përgjigje të interesit të gazetarëve për çështjen e vendimit ende të paarsyetuar të Gjykatës Kushtetuese për nenin 162.3 të kodit Zgjedhor.

Nuk është profesionalisht korrekt të komentohet një vendim ende i pa arsyetuar i Gjykatës Kushtetuese.

Gabimi në koment mund të jetë shumë i madh nëse nisemi thjesht nga dispozitivi i vendimit.

Deri tani dimë se Gjykata ka shfuqizuar pikën 3 të nenit 162 të Kodit Zgjedhor. Por ai nen ka eehe 3 paragrafë të tjerë që nëse lexohen pa pikën 3, del që listat nuk janë të hapura 100%, siç nxitojnë komentuesit publike.

Përkundrazi heqja e pikës 3, I MBYLL listat me 100%.

Ja pra një gabim që bëhet nga leximi i cunguar.

Gabimi i dytë i madh është tendenca për ta zbatuar këtë vendim mbi rezultatin e këtyre zgjedhjeve. Është gabim ky arsyetim sepse ne nede nuk e dimë vullnetin e Gjykatës për ti dhënë apo jo fuqi prapavepruese vendimit të saj. Zakonisht vendimet e Gjykatës nuk kanë fuqi prapavepruese.

Ndaj të mos nxitohemi. Të presim zbardhjen e atij vendimi.

Përndryshe gabimet janë të pashmangshme.

Janë gabine që keqorientojnë opinionin publik, për fat të keq.