‘Kërcet’ arma në Vlorë/ 42-vjeçari qëllon në plazh pas një konflikti, policia tregon çfarë ndodhi

Të shtëna me armë zjarri në plazhin e Zvërnecit në Vlorë.

Policia njofton se shtetasi L.Rr, rreth moshës 42 vjeç, dyshohet se pas një konflikti të momentit, ka qëlluar me armë zjarri në ajër dhe më pa është larguar me shpejtësi.

NJOFTIMI ZYRTAR I POLICISE:

Qëlloi me armë zjarri në ajër pas një konflikti të çastit, identifikohet dhe shpallet në kërkim autori i dyshuar.

Më datë 22.07.2021, në Zvërnec, Vlorë, shtetasi L. RR., rreth 42 vjeç, dyshohet se pas një konflikti të çastit, ka qëlluar me armë zjarri në ajër dhe më pas është larguar me shpejtësi.

Pas marrjes së informacionit menjëherë në vendngjarje kanë mbërritur shërbimet e policisë ku falë veprimeve të shpejta bënë identifikimin e autorit të dyshuar.

Shërbimet e Policisë po krehin zonën për kapjen e 42 vjeçarit si dhe identifikimin e personave të tjerë të përfshirë në konflikt.

Grupi hetimor nën drejtimin e Prokurorisë po vijon punën për zbardhjen e plotë të rrethanave të ngjarjes.