LIGJET E BIZNESIT
Ish-drejtori i Policisë Vlorë Jaeld Çela ka kërkuar nga Gjykata Kundër Korrupsionit dhe Krimit të Organizuar konstatimin e shuarjes së afateve të paraburgimit.
Teksa ndodhet në qeli, Çela ka kërkuar gjithashtu zbutjen e masës së sigurisë.
Sipas ligjit, thotë Çela, ai nuk mund të mbahet në burg, pasi nga dita e vendimit nga Apeli ka kaluar me shumë se një vit, ndërsa thekson se për këtë shkak afatet e paraburgimit e kanë humbur efektin.
Dosja penale ndodhet në Gjykatën e Larte dhe pret për t’u shqyrtuar.
Kujtojmë se Jaeld Çela është i pandehur bashkë me ish-ministrin e Brendshëm, Saimir Tahiri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ish-kreu i Policisë së Vlorës u vetëdorëzua në polici në maj të 2020-ës, pas dy vitesh në arrati, ndërsa akuzohet për veprat penale “Kultivim i bimëve narkotike”, “Trafikim i bimëve narkotike” dhe “Grup i strukturuar kriminal”. Jaeld Çela është dënuar me 3.4 vite burgim për shpërdorim detyre.
