LIGJET E BIZNESIT
Mëngjesin e sotëm, pas një sherri për tokën mbeti i vdekur 30-vjeçari Romeo Hasalla, si dhe u plagosën babai i tij Shauipi dhe 2 vëllezërit, Emiljano dhe Laerti.
Ngjarja e rëndë u shënua në fshatin Garunjës të Lushnjes.
“Jemi shastisur, ishin njerëz të mirë, nuk dimë të kenë patur konflikte” kështu janë shprehur banorët, të cilët e konsiderojnë viktimën dhe dy vëllezërit e tij si djem mjaft të qetë.
Sipas tyre Romeo, i cili jetonte prej vitesh në Greqi, kishte vetëm 2 ditë që kishte ardhur për të takuar familjen.
“Ai çuni që ka vdekur, dhe dy vëllezërit kanë qenë djem shumë të mirë. Nuk ngacmonin ndonjë. Kam qëndruar me ta, kemi ngrënë bukë në një vend. Kam punuar me ta. Nuk di të kenë pasur debate të mëparshme, s’di asgjë. Ne jemi çuditur kur kemi mësuar se çfarë ndodhi. Nuk e di se për çfarë ka ndodhur konflikti, sepse jetoj në Greqi. Edhe Romeo (viktima) jeton atje, kishte vetëm 3 ditë që kishte ardhur. Kastriotin e njoh si njeri. Ata qëndrojnë në Itali. Sapo erdhën kanë hyrë në konflikt. Nuk e di sa ditë kishin që konfliktoheshin”, përfundoi banori.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një tjetër banor i fshatit, e ka shprehur hapur habinë për krimin e ndodhur, pasi sipas tij familjet e përfshira në konflikt, veçse kushërinj me njëri-tjetrin, kanë pasur raporte të mirë. Ai tha se nuk e dinte që kishin tokë dhe se kanë qenë në konflikt për të, pasi në dijeninë e tij, familjet shkonin mirë me njëra-tjetrën.
“Më ka ardhur shumë keq, për të dy palët, sepse janë dy familje të mira. Jam shastisur kur kam marrë vesh ngjarjen. Nuk kemi pasur probleme me ta. Nuk e dinim që kanë pasur probleme. Ata janë kushërinj me njëri-tjetrin. Nuk e di për çfarë toke janë zënë, nuk e di as që ekziston kjo tokë. Ata s’kanë pasur konflikte, kanë shkuar mirë. Kanë qenë të lidhur, s’kanë pasur konflikte. Jam habitur”, tha banori.
