“Je i çmendur? A je në vete?”, Blendi Gonxhe tregon skenën e frikshme me të cilën është përballur në rrugë

Kreu i DPSHTRR, Blendi Gonxhe ka rrëfyer një skenë që ka hasur së fundmi në Sauk, ku një prind me shpejtësi 100 km në orë mban para vetes në timon fëmijën 6-8 vjeç.

Më pas me të marrë shenjën nga ai, Gonxhe tregon se prindi e ka hedhur fëmijën në sediljen e pasagjerit pa i vendosur rrip sigurimi.

“Kthehesha nga puna, në unazë, segmenti Sauk-TEG, një Volvo SUV hyn në parakalim në kthesë pa sinjal, e arrij dhe ç’të shikoj! Fëmija 6-8 vjeç në rimon, koka e fëmijës trupimët te xhami, prindi shofer po argëtohej me 80-100 kmh me të birin sandviç mes tij dhe timonit! I bëj shenjë me kujdes: -je çmendur? A je në vete?!!!

Reagoi duke e hedhur fëmijën te krahu i pasagjerit, në këmbë, i pa lidhur me rryp sigurimi, në ecje! Prindi një mesoburrë, mbeta pa fjalë, i shokuar dhe i trishtuar. Nuk arrita të filmoja dot skenën por hyra në shtëpi gjakprishur.

Imagjinoni çfarë shembulli merr ai fëmijë, truri i tij sfungjer që krijon që tani nocionet më të gabuara, rreziku, papërgjegjshmëria, kurajo e atij prindi në mes të ditës në një nga akset më të trafikuara të kryeqytetit, tmerr!”, shkruan Gonxhe.