I papërmbajtshëm Shaqiri/ Zvicra barazon ndaj Spanjës, emocione në “Euro 2020”

Emocione të forta në sfidën Spanjë-Zvicër në “Euro 2020”.

Falë një goli të Xherdan Shaqirit në minutën e 68-të, Zvicra ka barazuar ndaj Spanjës, duke e çuar rezultatin në 1-1.

Sulmuesi shqiptar ka përfituar nga një gabim në mbrojtjen e Spanjës dhe pas pasimit të marrë nga Freuler, ka gjuajtur me të djathtën duke e ndalur topin në fund të rrjetës.

Kujtojmë që Spanja kaloi në avantazh në minutën e 8-të falë një autogoli të Zakaria.

Në rast se ndeshja do të mbyllet në barazim 1-1 pas kohës së rregullt, atëherë skuadrat do i drejtohen minutave shtesë. Ndërkohë në minutën e 78-të, Zvicra ka mbetur me 10 lojtarë, pasi Freuler u ndëshkua me të kuq.