I pandehur bashkë me Tahirin/ Rrëzohet kërkesa e ish-drejtorit të Policisë së Vlorës për lirim nga burgu

Gjykata e Posaçme për Korrupsionin dhe Krimin e Organizuar ka rrëzuar kërkesën e ish-drejtorit të Policisë së Vlorës Jaeld Çela për lirimin nga burgu, me argumentin se nga dita e vendimit në Apel ka kaluar afati 1-vjeçar.

Ish-kreu i Policisë së Vlorës u vetëdorëzua në polici në maj të 2020-ës, pas dy vitesh në arrati, ndërsa akuzohet për veprat penale “Kultivim i bimëve narkotike”, “Trafikim i bimëve narkotike” dhe “Grup i strukturuar kriminal”.

Çela është dënuar me 5 vite burg për shpërdorim detyre, teksa është i pandehur bashkë me ish-ministrin e Brendshëm Saimir Tahiri.