Hapet provizorisht By-Passi i Vlorës, Balluku: Duhet të ecni ngadalë

Ministria e Infrastrukturës dhe Energjitikës  Belinda Balluku thotë se hapja provizore e By-Passit të Vlorës, do lehtësojë trafikun gjatë sezonit turistik dhe veçanërisht gjatë muajit gusht.

Balluku u bëri thirrje njerëzve të ecin ngadalë dhe të tregojnë kujdes, pasi është rrugë e re.

“Fatmirësisht kjo rrugë nuk kalon në zona të banuara, përveç Kaninës dhe nuk ka hyrje dhe dalje. Një problematikë që kemi hasur në by pass-in e Fierit për shkak se kishte shumë hyrje dhe dalje në autostradë nga fshatrat e tjerë. Duhet të tregojnë kujdes, është një rrugë e re, duhet të ecet ngadalë. Ky është një rast që ne rrugën po e hapim për të lehtësuar trafikun dhe jo për të bërë gara me makina, sepse këtu do të ketë një përqendrim të madh të policisë rrugore”, tha Balluku.