Greqi/ Ndihen lëkundje tërmeti

Një tërmet me magnitudë 4.1 ballë është regjistruar sot në mëngjes në Thiva, të Greqisë qendrore. Nuk raportohet për dëme.

Instituti Gjeodinamik i Athinës tha se lëkundjet u ndjenë rreth orës 8.05 të mëngjesit me kohën lokale, 2 kilometra në veri-lindje të Thiva dhe epiqendra e tij ishte në një thellësi prej 10 kilometrash.

Së fundmi, rajoni është goditur nga qindra tërmete. Të shqetësuar në lidhje me aktivitetin sizmik të vazhdueshëm, shkencëtarët po hetojnë në qoftë se ato janë pjesë e një tufë lëkundjesh të lehta apo paralajmërese të një tërmeti më të fortë.