Gratë shtatzëna në Mat dalin në protestë! Spitali ka mungesë gjinekologësh 

Disa gra shtatzëna në Mat kanë paralamëruar se do të dalin në protestë këtë të martë, pasi spitali i qytetit të tyre nuk ka një mjek gjinekolog.

Lajmin e ka njoftuar deputetja e zgjedhur më 25 prill, Dhurata Çupi. Ajo ka publikuar mesazhin e dërguar nga njëra prej tyre. Sipas gruas shtatzënë, e cila i ka dërguar mesazhin deputetes, ka mbi 4 javë që spitali i kësaj zone nuk ka mjek gjinekolog.

Sipas saj, nga afërsisht 200 gra shtatzëna, vetëm 5 janë te gatshme të dalin në protestë, pasi kanë frikë se u hiqen njerëzit nga puna, apo arsye të tjera.