Gramsh/ Autobuzi del nga rruga dhe bie në përrua, raportohet për një viktimë dhe disa të plagosur

Një aksident i rëndë ka ndodhur pak minuta më parë në Gramsh.

Mësohet se për pasojë ka humbur jetën një person dhe disa të tjerë janë plagosur.

Sipas informacioneve në afërsi të fshatit Bregas, një minibus ka rënë në përrua, pasi shoferi dyshohet se humbi kontrollin dhe doli nga rruga.

Drejt vendit të ngjarjes është nisur policia, zjarrfikësja dhe ambulanca.

Mësohet se në minibus dyshohet të ketë pasur rreth 35 pasagjerë.

Policia nuk ka ende informacion zyrtar mbi ngjarjen e rëndë.