Gjendet i vdekur në mes të rrugës 53-vjeçari në Kurbin, ja çfarë konstatoi policia 

Një 53-vjeçar është gjendur pa shenja jete në mes të rrugës në Fushë Gjormë të Kurbinit.

Policia thotë se nga kqyrja paraprake e trupit të tij, nuk janë konstatuar shenja dhune apo edhe dëmtime të tjera.

Njoftimi i policisë:

Më datë 20.07.2021, rreth orës 21:25, në Fushë Gjormë,Kurbin, në rrugë, është gjetur pa shenja jete një shtetas P.Gj.,53  vjeç,banues në Adriatik, Kurbin,  i cili nga të dhënat e para dyshohet se ka ndërruar jetë për shkaqe natyrale.

Nga kqyrja paraprake e trupit të tij, nuk janë konstatuar shenja dhune apo dëmtime të tjera.

Grupi hetimor ndodhet në vendngjarje dhe po punon për sqarimin e rrethanave të ngjarjes si dhe identifikimin e shtetasit.