E rëndë/ Shtetasi i huaj i fut gërshërët në sy shqiptarit! I riu humbet syrin pas operacionit në Itali

Një sherr mes një senegalezi dhe një shqiptari ka përfunduar deri në përdorimin e dhunës dhe mjeteve prerëse. Dy personat po punonin në një fermë në Galipoli, në momentin kur filluan të grindeshin me njëri-tjetrin.

47-vjeçari me origjinë Senegaleze, mori menjëherë gërshërët e shkurtra që mbante në dorë dhe goditi punëtorin shqiptar në syrin e majtë.

Shqiptari 28-vjeçar, u shoqërua për në spitalin e Galipolit, nga ku u transferua në spitalin Panico di Tricase.

Fatkeqësisht operacioni që iu nënshtrua nuk i shpëtoi syrin. Sulmuesi u arrestua për krimin e vrasjes në tentativë.