E rëndë në Vlorë/ Vëllai plagos motrën pas sherrit, policia jep detajet e para

Një ngjarje e rëndë ka ndodhur pasditen e sotme në Vlorë.

Mësohet se shtetasi Seit Denaj 60 vjeç, ka qëlluar me armë zjarri motrën e tij Bukuroshe Hoxha 66 vjeçe.

E plagosura është dërguar në spital dhe ndodhet jashtë rrezikut për jetën.

NJOFTIMI ZYRTAR I POLICISE

Sot, rreth orës 16:25, në fshatin Bishan, Vlorë, dyshohet se gjatë një konflikti të çastit për motive të dobëta, shtetasi S. D., rreth 60 vjeç, ka plagosur me armë gjahu çifte, motrën e tij, shtetasen B. H., rreth 66 vjeçe, e cila është dërguar në spital dhe ndodhet nën kujdesin e mjekëve, jashtë rrezikut për jetën.

Shërbimet e Policisë janë vënë në ndjekje të autorit. Nga veprimet e para hetimore  dyshohet se autori gjatë konfliktit ka qenë nën efektin e alkoolit.

Grupi hetimor ndodhet në vendngjarje dhe po punon për zbardhjen e rrethanave të ngjarjes.