E rëndë/ Ishte nisur nga Gjermania, aksidentohet autobusi me shqiptarë, të paktën 10 viktima

Një ngjarje e rëndë ësht shënuar mëngjesin e sotëm në Slavonski Brod të Kroacisë, ku të paktën 10 persona kanë ndërruar jetë pasi autobusi me të cilin udhëtonin ka dalë nga rruga dhe për pasojë është përmbysur.

Mediat e huaja shkruajnë se autobusi ishte i mbushur me shqiptarë të Kosovës të cilët ishin nisur nga Frankfurti drejt Prishtinës. Sipas hetimeve paraprake, bëhet me dije se aksidenti ka ndodhur pasi shoferin e ka zënë gjumi në timon.

30 persona janë nisur me urgjencë për në spital, ndërkohë që disa udhëtarë të tjerë raportohet të jenë ende të bllokuar në autobus.

Policia dhe ekipi i zjarrfikësve ndodhen në vendngjarje ku po punojnë për nxjerrjen e trupave.